FIBA: " ის ყოველთვის საქართველოს გვერდითაა - მან დიდი ისტორია შექმნა"

საქართველოს საკალათბურთო ნაკრებმა ისტორიული შედეგი დადო. ჩვენმა გუნდმა, რომელიც მერვედფინალში აუტსაიდერად მიიჩნეოდა, საფრანგეთის ნაკრები დაამარცხა (80:70) და ტურნირის მეოთხედფინალში გავიდა, სადაც ჩვენი მეტოქე ფინეთის ნაკრები იქნება.

მატჩამდე 1 დღით ადრე, FIBA ვრცელ სტატიას აქვეყნებს, სადაც საქართველოს ნაკრების ლიდერისა და კაპიტნის - თორნიკე შენგელიას შესახებ წერს და აღნიშნავს, რომ იგი ქართული კალათბურთის ნამდვილი ლეგენდა და ისტორიის შემქმნელია.

აქვე ციტირებენ ალექსანდ ჯიკიჩის (მწვრთნელის) სიტყვებსაც, რომელმაც, საფრანგეთთან თამაშის შემდეგ თქვა, რომ შენგელია მასზე მნიშვნელოვანია.

ევრობასკეტის 1/4-ფინალში გულშემატკივართა აბსოლუტური უმრავლესობა სერბეთისა და საფრანგეთის შეხვედრას ელოდა, თუმცა, ბევრისთვის მოულოდნელად, სერბეთი ფინეთმა გააგდო, მე-2 დღეს კი, საფრანგეთს საქართველოს ნაკრებმა მოუგო და ტურნირიდან გამოთიშა.

შესაბამისად, ნახევარფინალის საგზურისთვის ფინეთი და საქართველო იბრძოლებენ. მატჩი 10 ივნისს, თბილისის დროით 18:00 საათზე დაიწყება.