დონჩიჩის ფენომენალური თამაში ბრუკლინის წინააღმდეგ

ნაციონალური საკალათბურთო ასოციაციის (NBA) რეგულარული სეზონის შეხვედრაში, "ბრუკლინისა" და "დალასის" დაპირისპირება შედგა.

დაძაბული მატჩის ძირითადი დრო 112:112 დასრულდა, გამარჯვებულის გამოსავლენად კი ოვერტაიმი დაინიშნა, რომელშიც მასპინძლები დამარცხდნენ (125:129).

"ბრუკლინის" წინააღმდეგ გამართულ შეხვედრაში, ლუკა დონჩიჩმა ფენომენალურად იასპარეზა. "დალასის" ცენტრმა სამმაგი დუბლი გაიფორმა და საკუთარი გუნდის გამარჯვებაში ლომის წილი დაიდო. პარკეტზე გატარებულ 40:30 წუთში, დონჩიჩმა 41 ქულის, 11 მოხსნისა და 14 შედეგიანი გადაცემის დაგროვება შეძლო.