დონჩიჩის ფანტასტიკური მატჩი - სლოვენიელი ისტორიაში შევიდა
ნაციონალური საკალათბურთო ასოციაციის (NBA) რეგულარული სეზონის შეხვედრაში, "დალასისა" და "ნიუ იორკის" დაპირისპირება შედგა. დალასში, "American Airlines Center"-ში გამართული დაძაბული და სანახაობრივი მატჩი მასპინძელთა გამარჯვებით, 126:121 დასრულდა.
გასაკვირი არაა, რომ "დალასის" გამარჯვებაში ლომის წილი ლუკა დონჩიჩმა დაიდო, რომელიც მასპინძლებს ამჯერადაც მხსნელად მოევლინა, და რომელმაც ფანტასტიკური ასპარეზობით, NBA-ის ისტორია დაწერა.
პარკეტზე გატარებულ 47:09 წუთში, დონჩიჩმა 60 ქულის, 21 მოხსნისა და 10 შედეგიანი გადაცემის დაგროვება შეძლო. დონჩიჩი NBA-ს ისტორიაში შევიდა, როგორც პირველი კალათბურთელი, რომელმაც ერთ შეხვედრაში 60+ ქულა, 20+ მოხსნა და 10+ შედეგიანი გადაცემა შეასრულა.
60 PTS
— NBA (@NBA) December 28, 2022
21 REB
10 AST
Luka Doncic is the first player EVER in NBA history to record 60+ PTS, 20+ REB, and 10+ AST in a game.
Historic. pic.twitter.com/ik8MdBYbFR
"ნიკსის" წინააღმდეგ გაფორმებული ტრიპს-დაბლის შემდეგ, ლუკა დონჩიჩმა "დალასის" რეკორდიც დაამყარა. დღემდე, "დალასის" რეკორდი ერთ თამაშში მოპოვებული ქულების მიხედვით, დირკ ნოვიცკის ეკუთვნოდა (53).
მატჩის შემდეგ, 23 წლის სლოვენიელმა განაცხადა, რომ ძალიან დაღლილია და ძალების აღსადგენად ლუდი სჭირდება.
“I’m tired as hell. I need a recovery beer.”
— ClutchPoints (@ClutchPoints) December 28, 2022
Luka Doncic after dropping 61 points, 21 rebounds, and 10 assists for the first time in NBA history 🤣pic.twitter.com/ezhqhDqYlw
შემდეგი შეხვედრა "დალასს" 30 დეკემბერს ელის, რომელიც თბილისის დროით, 05:30 საათზე გაიმართება.
სხვა სტატიები
