დენიელ გეფორდი უნიკალური სტატისტიკის დაფიქსირებას განაგრძობს

NBA-ის რეგულარული სეზონის მატჩში ,,დალას მავერიქსმა'' ,,გოლდენ სტეიტ უორიორსს'' უმასპინძლა და 10-ქულიანი სხვაობით, ანგარიშით 109:99 დაამარცხა.

,,დალასის'' ცენტრმა, დენიელ გეფორდმა 10 ქულა, 7 დაფარება, 6 მოხსნა, 2 ასისტი და 1 ჩაჭრა მოაგროვა. 25 წლის კალათბურთელმა შეხვედრაში 5-დან 5 ტყორცნა გამოიყენა და წინა ოთხ მატჩში დაფიქსირებული სტატისტიკა კიდევ უფრო გააუმჯობესა - გეფორდი 5 მარტის შემდეგ, 100%-იანი სიზუსტით ისვრის.

ბოლო 5 მატჩში დენიელის სტატისტიკა ასეთია:

• 7-დან 7 ინდიანას წინააღმდეგ

• 5-დან 5 მაიამის წინააღმდეგ

• 7-დან 7 დეტროიტის წინააღმდეგ

• 9-დან 9 ჩიკაგოს წინააღმდეგ

• 5-დან 5 გოლდენ სტეიტის წინააღმდეგ

გეფორდმა აცილების გარეშე ზედიზედ 33 ორქულიანი ჩააგდო, რაც NBA-ის ისტორიაში მეორე საუკეთესო შედეგია. ამ მხრივ ,,მავერიქსის'' ცენტრი მხოლოდ უილტ ჩემბერლენს ჩამორჩება, რომლის ანგარიშზეც ზედიზედ 35 გამოყენებული ტყორცნაა.

,,დალასი'' მომავალ მატჩს ხვალ, ,,ოკლაჰომას'' წინააღმდეგ გამართავს. იმ შემთხვევაში თუ გეფორდის პირველი 3 ნასროლი ზუსტი იქნება, ის ერთპიროვნული რეკორდსმენი გახდება.