ბოსტონი და გოლდენ სტეიტი გავარდნის პირას არიან

NBA-ის პლეი ოფები კულმინაციას უახლოვდება. ჯერ კონფერენციების ფინალებში გამსვლელი გუნდები ირკვევა და უკანასკნელი შეხვედრები დათმეს "ბოსტონმაც" და "გოლდენ სტეიტმაც".

"ნიუ იორკ ნიქსისა" და "ბოსტონ სელტიკსის" სერიის მე-4 თამაში მასპინძელი ნიუ იორკელების სასარგებლოდ დამთავრდა (121:113). სერიაში ანგარიში 3:1 გახდა და მომდევნო თამაშის წაგების შემთხვევაში ბოსტონი ჩემპიონობას დაემშვიდობება. ახლა სერიის მომდევნო 2 თამაში ბოსტონში ჩატარდება.

ბრწყინვალე შეხვედრა ჩაატარა ჯეისონ ტეიტუმმა, თუმცა მისი 42 ქულა, 8 მოხსნა და 4 პასი ბოსტონს გამარჯვებაში ვერ დაეხმარა. ნიუ იორკელების მხარეს გამ0სარჩევია ჯეილენ ბრანსონი, მაიკლ ბრიჯისი და კარლ ენტონი თაუნსი.

სერიის მეოთხე თამაში წააგო სტეფ კარის გარეშე დარჩენილმა გოლდენ სტეიტ უორიორსმაც, "მინესოტა ტიმბერვულვზმა" ოქროსშტატელები 117:110 დაამარცხა, საერთო ჯამში კი, ანგარიშში 3:1 დაწინაურდა და მომდევო 2 შეხვედრას მინესოტაში, საკუთარ კედლებში ჩაატარებენ.

დარჩენილ 2 სერიაში "ოკლაჰომასა" და "დენვერს" შორის 2:2-ია, "ინდიანა პეისერსი" კი "კლივლენდს" 3:1-ს ამარცხებს.