ბითაძემ ორლანდოს ქულებით ულიდერა | მეჯიქი მინესოტასთან დამარცხდა

NBA-ის რეგულარული სეზონის შეხვედრაში ,,ორლანდო მეჯიქმა'' ,,მინესოტა ტიმბერვულვზს'' უმასპინძლა და 15-ქულიანი სხვაობით, ანგარიშით 89:104 დამარცხდა.

,,ორლანდოს'' ძირითად ხუთეულში ითამაშა გოგა ბითაძემ, რომელმაც პარკეტზე გატარებულ 30 წუთში 15 ქულა (ყველაზე მეტი გუნდის შემადგენლობაში), 8 მოხსნა, 3 დაფარება, 2 პასი და 1 ჩაჭრა მოაგროვა. გოგამ მატჩში 11-დან 7 ორქულიანი და 1-დან 1 საჯარიმო ჩააგდო.

,,მინესოტას'' რიგებში 23 ქულით, 10 მოხსნით, 2 ასისტითა და 1 ჩაჭრით ჯულიუს რენდლი გამოირჩა.

,,ორლანდო'', რომელიც 22 მოგებითა და 17 წაგებით აღმოსავლეთ კონფერენციის მე-4 პოზიციაზეა, მომავალ შეხვედრას ხვალ, 11 იანვარს, ,,მილუოკი ბაქსის'' წინააღმდეგ გამართავს.