ბითაძე ორლანდოს დაუბრუნდა - მეჯიქის მე-16 მოგება სეზონში

NBA-ის რეგულარული სეზონის შეხვედრაში ,,ორლანდო მეჯიქმა'' ,,ფილადელფია სიქსერსი'' სტუმრად 4-ქულიანი სხვაობით, ანგარიშით 106:102 დაამარცხა.

გუნდს დაუბრუნდა გოგა ბითაძე, რომელმაც კოჭის ტრავმის გამო ,,ნიუ იორკ ნიქსთან'' მატჩი გამოტოვა. ქართველმა ცენტრმა დღეს 21 წუთამდე ითამაშა, რა დროშიც 6 ქულა, 6 მოხსნა, 1 პასი, 1 ჩაჭრა და 1 დაფარება მოაგროვა. გოგამ 4-დან 3 ორქულიანის ჩაგდება შეძლო.

,,მეჯიქს'' 35 ქულით, 7 მოხსნით, 2 ასისტითა და 1 დაფარებით ფრანც ვაგნერმა ულიდერა, ,,ფილადელფიას'' რიგებში კი 24 ქულით, 7 მოხსნითა და 3 პასით ჯარედ მაკკეინი გამოირჩა.

,,ორლანდო'' 16 მოგებითა და 8 წაგებით აღმოსავლეთ კონფერენციის მე-3 პოზიციაზეა. ბითაძის გუნდი მომავალ შეხვედრას შაბათს, 7 დეკემბერს, კვლავ ,,ფილადელფია სიქსერსის'' წინააღმდეგ გამართავს.