ბეტისმა ვალენსიას მოუგო - სევილიელებს ბექა ბურჯანაძემ ულიდერა

ესპანეთის ACB ლიგის მე-8 ტურში ,,ვალენსიამ'' ,,ბეტისს'' უმასპინძლა და 3-ქულიანი სხვაობით, ანგარიშით 81:84 დამარცხდა. სევილიური გუნდის შემადგენლობაში გამორჩეული მატჩი ჩაატარა საქართველოს ეროვნული ნაკრების ფორვარდმა, ბექა ბურჯანაძემ, რომელმაც არასრულ 26 წუთში 18 ქულა, 3 მოხსნა და 2 ჩაჭრა მოაგროვა. ბექამ 7-დან 6 სამქულიანის ჩაგდება შეძლო. მისმა მარგი ქმედების კოეფიციენტმა 19 შეადგინა, რითაც საკუთარ გუნდში მხოლოდ მარკო ტოდოროვიჩს ჩამორჩა. ,,ვალენსიას'' კლემენ პრეპელიჩმა ულიდერა - სლოვენიელმა 21 ქულას, 4 შედეგიან გადაცემას, 3 ჩაჭრასა და 1 მოხსნას მოუყარა თავი. ,,ბეტისი'' 2 მოგებითა და 6 მარცხით ცხრილის ბოლო, მე-18 პოზიციაზეა, ,,ვალენსია'' კი 4 გამარჯვებითა და 4 წაგებით მე-7 ადგილს იკავებს.

ბურჯანაძის ექვსივე სამქულიანი დღევანდელ შეხვედრაში:

ბეტისმა ვალენსიას მოუგო - სევილიელებს ბექა ბურჯანაძემ ულიდერა

სხვა სტატიები