ესპანეთის საკალათბურთო ჩემპიონატში მე-9 ტურის შეხვედრები გაიმართა, სადაც ბექა ბურჯანაძის "ბეტისმაც" ჩაატარა საკუთარი შეხვედრა.
"ბეტისი" გასვლით მატჩში, "სარაგოსას" წინააღმდეგ წარსდგა, რომელთანაც 10-ქულიანი სხვაობით, ანგარიშით - 82:72, დამარცხდა.
ბურჯანაძემ თამაში სასტარტო ხუთეულიდან დაიწყო. ქართველმა ლეგიონერმა ჯამში პარკეტზე 20:18 წუთი გაატარა, რა დროშიც საკუთარ გუნდს 9 ქულითა და 1 მოხსნით დაეხმარა.
ბურჯანაძის გუნდი 2 მოგებითა და 7 მარცხით სატურნირო ცხრილის ბოლო ადგილს "ფუენლაბრადასთან" და "ბილბაოსთან" იზიარებს.
მომდევნო შეხვედრას "ბეტისი" საკუთარ არენაზე, 14 ნოემბერს, გიორგი შერმადინის "ტენერიფეს" წინააღმდეგ გამართავს.
