აშშ კვლავ ლიდერია, სერბეთი მეორეზე - FIBA-მ მსოფლიო რეიტინგი განაახლა

პარიზის ოლიმპიური თამაშების დასრულების შემდეგ, FIBA-მ მსოფლიო რეიტინგი განაახლა.

მსოფლიოს ათეულში კი დიდი ცვლილებებია - ლიდერი უცვლელია, აშშ-ს ნაკრები მსოფლიო რეიტინგს ლიდერობს.

• მეორე პოზიციაზე სერბეთის ნაკრებია, რომლებიც მეოთხე პოზიციიდან დაწინაურდნენ.

• მესამე პოზიციაზე დარჩა გერმანიის ნაკრები

• მსოფლიო რეიტინგში 5 პოზიციით დაწინაურდა და ახლა მეოთხე პოზიციას იკავებს საფრანგეთის ნაკრები

• 2 პოზიციით წინ აიწია კანადის ნაკრებმა და მსოფლიო რეიტინგში მე-5 ადგილი დაიკავა

• მეორე პოზიცია დაკარგა ესპანეთის ნაკრებმა და მსოფლიო რეიტინგში 4 პოზიციით დაქვეითდა, შესაბამისად, განახლებულ რეიტინგში მეექვსე პოზიციას იკავებს.

• მსოფლიო რეიტინგში ასევე 2 პოზიცია დაკარგა ავსტრალიის ნაკრებმაც და ახლა მე-7 პოზიციას იკავებენ.

• მერვე ადგილზე დარჩა არგენტინის ნაკრები

• მეექვსედან მეცხრე ადგილზე დაქვეითდა ლატვია.

• TOP 10-ეულს კი ლიეტუვის ნაკრები ხურავს.

ასევე აღსანიშნავია ის ფაქტი, რომ განახლებულ რეიტინგში 1 პოზიციით დაქვეითდა საქართველოს ნაკრები. ჩვენს ანგარიშზე 468.3 სარეიტინგო ქულაა.