ამერიკული მედია: 'სპურსი ვემბანიამას ზუსტ სიმაღლეს მალავს'

'ვიქტორ ვემბანიამა 8 ფუტს (2.44 მ) უახლოვდება' - ამ სათაურებით აღწრენ ამერიკულ მედიაში ფრანგი კალათბურთელის კიდევ უფრო ზრდას და ამტკიცებენ, რომ ვემბი რეალურად იმაზე მაღალია, ვიდრე მისმა კლუბმა გამოაქვეყნა.

როცა ფრანგი ტალანტი სპურსში აღმოჩნდა, კლუბმა დაწერა, რომ მისი სიმაღლე 221 სანტიმეტრი იყო, თუმცა ახლა ამაშიც ეჭვი შეაქვთ.

უკანასკნელი განახლების მიხედვით, ვემბი 225 სანტიმეტრი სიმაღლის 100-კილოგრამიანი კალათბურთელია, რაც მას NBA-ის ყველაზე მაღალ მოთამაშედ აქცევს. NBA-ს ინსაიდერები და ყოფილი მოთამაშეები ვარაუდობენ, რომ ვემბის სიმაღლე სინამდვილეში 231 სანტიმეტრია.

ახალგაზრდებისთვის, ლიგაში თამაშის ადრეულ წლებში, სიმაღლეში მატება უჩვეულო არ არის - მილუოკი ბაქსის სუპერვარსკვლავი, იანის ანტეტოკუნმპო ასოციაციაში მოსვლის შემდეგ კიდევ უფრო გაიზარდა - ამიტომ მოსალოდნელია, რომ ვემბანიამას პიკისთვის ჯერ არ მიუღწევია.

ხელის გაშლით 245 სანტიმეტრის მიღწევით, ვემბანიამა, ბოლო ორი სეზონის განმავლობაში, NBA-ში ბლოკების რაოდენობით ლიდერობდა. რასაც მას უწუნებდნენ იყო მოცულობა, თუმცა ფრანგმა დრაფტზე დადგომიდან ორ წელიწადში 18 კგ მოიმატა და ამ მხრივაც უმჯობესდება.