22 წლიანი ეპოქის დასასრული - რუდი ფერნანდესი სეზონის ბოლოს კარიერას დაასრულებს

ლეგენდარული ესპანელი კალათბურთელი - რუდი ფერნანდესი, სეზონის ბოლოს 22-წლიან კარიერას დაასრულებს.

39 წლის კალათბურთელმა სეზონის ბოლოს კარიერის დასრულების გადაწყვეტილება მიიღო.

რუდი ფერნანდესი ესპანური კალათბურთის ნამდვილი ლეგენდაა. მას ეროვნულ ნაკრებთან და კლუბთან ერთად უდიდესი მიღწევები აქვს დაფიქსირებული, კერძოდ:

• 2-გზის მსოფლიო ჩემპიონი

• 4 ოქროს, 1 ვერცხლის და 1 ბრინჯაოს მედალი ევრობასკეტზე

• 2 ვერცხლისა და 1 ბრინჯაოს მედალი ოლიმპიურ თამაშებზე

• 6-გზის ესპანეთის ჩემპიონატის გამარჯვებული

• 7-გზის ესპანეთის თასის გამარჯვებული

• 3-გზის ევროლიგის ჩემპიონი

• 9-გზის ესპანეთის სუპერ თასის გამარჯვებული

• 3-გზის MVP ესპანეთის თასზე

კარიერის დასრულების გადაწყვეტილების შემდეგ, რუდი ფერნანდესმა განცხადება გაავრცელა.

რუდი ფერნანდესის კარიერა ესპანურ "ხოვენტუდში" დაიწყო, 2008-2011 წლებში კი NBA-ში, კერძოდ კი "პორტლენდში" თამაშობდა. პორტლენდის შემდეგ იგი სამშობლოში, კერძოდ კი "რეალში" დაბრუნდა, თუმცა შემდეგ 1 წლით კვლავ NBA-ში დაბრუნდა, კერძოდ კი "დენვერში", თუმცა ეს ყველაფერი ხანმოკლე იყო და 2012 წლიდან მადრიდის "რეალის" ღირსებას იცავს.