ლა ლიგის პრეზიდენტი: "რეალი მტირალების კლუბია"

ლა ლიგის პრეზიდენტმა, ხავიერ ტებასმა, კიდევ ერთხელ შეუტია მადრიდის "რეალს" და ნათლად დააფიქსირა თავისი პოზიცია "The Objective"-თან ბოლო ინტერვიუში.

ლა ლიგის ხელმძღვანელმა თავი არ შეიკავა კლუბის მუდმივი პრეტენზიებთან დაკავშირებით - საქმე მსაჯობით უკმაყოფილებას ეხება. მსაჯობა ბოლო კვირების განმავლობაში აქტუალური თემა იყო, გადაწყვეტილებებთან დაკავშირებით მრავალი წინააღმდეგობა წარმოიშვა, თუმცა, ტებასის თქმით, ესპანეთის ფეხბურთის ფედერაციამ ვერ მიიღო შესაბამისი ზომები ამ საკითხების მოსაგვარებლად.

ტებასმა დაადანაშაულა მადრიდის რეალი და მისი ოფიციალური არხი "რეალ მადრიდის ტელევიზია" დაპირისპირების გაღვივებაში, შეცდომაში შემყვანი ნარატივის შექმნით, რომელიც ეჭვქვეშ აყენებს მთელ საფეხბურთო სისტემას.