ჟურნალისტის შეკითხვით გაღიზიანებულმა ლუის ენრიკემ პრესკონფერენცია ნაადრევად დაასრულა

პარიზთან მარცხის (1:2) შემდეგ, პარი სენ ჟერმენის მთავარი მწვრთნელი, ლუის ენრიკე საკუთარი ფეხბურთელების თამაშით უკმაყოფილო იყო. ესპანელმა სპეციალისტმა მედიასთან შეხვედრაც მოულოდნელად დაასრულა:

„ამ სეზონში პარიზთან უკვე მეორედ წააგეთ, არის ეს...“ — დააპირა კითხვის დასმა ჟურნალისტმა, თუმცა ენრიკემ მას სიტყვა გააწყვეტინა: „კიდევ ერთხელ, კიდევ ერთხელ? დიდი მადლობა!“ და მატჩის შემდგომი პრესკონფერენცია დროზე ადრე დატოვა.

როგორც ფრანგულ მედიაში იწერება, ჟურნალისტს სურდა ეკითხა, ნიშნავდა თუ არა პარიზთან მეორედ წაგება ამ ორ დედაქალაქურ კლუბს შორის სპორტული მეტოქეობის დასაწყისს.

ამის შემდეგ, იმავე კითხვით პარიზის მთავარ მწვრთნელს, ანტუან კომბუარესაც მიმართეს. შეკითხვამ 62 წლის სპეციალისტის გაკვირვებაც გამოიწვია:

პარი სენ ჟერმენმა ლიგა 1 პირველ ადგილზე 76 ქულით დაასრულა და ქვეყნის ჩემპიონი ისტორიაში მეთოთხმეტედ გახდა.

ლუის ენრიკეს გუნდს არსენალთან ჩემპიონთა ლიგის ფინალური მატჩი 30 მაისს ელის.