"ჟოაუს დაბრუნება? შესაძლებელია" - გვარდიოლა კანსელუზე
მიუხედავად იმისა, რომ ჟოაუ კანსელუს "სიტის" მაისური 2023 წლის შემდეგ არ მოურგია, პორტუგალიელი 2027 წლამდე "ქალაქელების" საკუთრებაშია. მანჩესტერიდან წასვლის შემდეგ, კანსელუმ 2022-2023 წლის სეზონი ჯერ "ბაიერნში" გაატარა. გასულ წელს კი "ბარსელონას" რიგებში იჯარის წესით ითამაშა. ნაკრებიდან დაბრუნების შემდეგ, კანსელუ კვლავ "სიტისთან" ერთად ვარჯიშობს.
ინგლისურ მედიაში ვრცელდება ჭორები, რომ განაპირა მცველი გვარდიოლას გუნდში დაბრუნებას აპირებს. ამის შესახებ ესპანელმა მწვრთნელმა პრესკონფერენციაზე ისაუბრა.
ჟოაუ კანსელუს "სიტიში" დაბრუნება? დიახ, ეს შეიძლება მოხდეს. ის ჩვენთან ერთად ვარჯიშობს. შეიძლება დარჩეს, შეიძლება კვლავ იჯარით წავიდეს... ჯერჯერობით არაფერი ვიცი. ჟოაუ ჩვენთან ერთად არის და ვარჯიშებზეც საკმაოდ კარგად იქცევა. - განაცხადა პეპ გვარდიოლამ
🚨🔵 Pep Guardiola: “João Cancelo to re-join our squad? It can happen, yes”.
— Fabrizio Romano (@FabrizioRomano) August 16, 2024
“He's training with us. We will see. Maybe he stays, maybe he goes on loan, maybe... I don't know yet”.
“He’s training with us, behaving really well in the training sessions”. pic.twitter.com/NhWPu0HC9h
შეგახსენებთ, რომ კანსელუმ "სიტის" რიგებში 154 შეხვედრა ჩაატარა. ამ პერიოდში პორტუგალიელმა მცველმა 9 გოლი და 21 ასისტი შეასრულა. "ქალაქელთა" რიგებში კანსელუმ ორი პრემიერ ლიგა და ორი ინგლისის ლიგის თასი მოიგო.
სხვა სტატიები
