კარაგერს სჯერა, რომ ერლინგ ჰოლანდი კარიერაში 1000-ზე მეტ გოლს გაიტანს

ჯეიმი კარაგერმა, გუშინ, საკუთარ გადაცემაში, ერლინგ ჰოლანდზე ისაუბრა და აღნიშნა, რომ ნორვეგიელი თავმდამსხმელი, კარიერას 1000-ზე მეტი გოლით დაასრულებს. გუშინ, მანჩესტერ სიტიმ, ჩემპიონთა ლიგა გამარჯვებით დაიწყო და სტუმრად, "დრაგაუზე", პორტუ, ნორვეგიელის დუბლის წყალობით, 0:2 დაამარცხა. 26 წლის ფეხბურთელს, მანჩესტერ სიტიში, ამ დუბლით, 167 გოლი დაუგროვდა და სიტის ბომბარდირთა სიაში, მესამე ადგილზე გადაინაცვლა. ნორვეგიელს მხოლოდ ერიკ ბრუკი (177) და სერხიო აგუერო (260) უსწრებენ. კარაგერს მიაჩნია, რომ ჰოლანდისთვის, 1000-გოლიანი ზღვარის გადალახვა, სრულიად რეალურია, განსაკუთრებით იმის გათვალისწინებით, თუ რამდენად შეუძლია მას კიდევ პროგრესირება და თამაშის ხარისხის გაუმჯობესება. CBS Sports-თან საუბრისას, ლივერპულის ლეგენდა ამ საკითხს შეეხო.

ნორვეგიელის ანგარიშზე უკვე, 366 კარიერული გოლია. გარდა ამისა, ჰოლანდმა, რომელიც გუშინდელი მატჩის საუკეთესო ფეხბურთელიც გახდა, კიდევ ერთი უნიკალური მიღწევა დააფიქსირა. ნორვეგიელისთვის, პორტუს წინააღმდეგ გამართული შეხვედრა, ჩემპიონთა ლიგაზე, რიგით, 59-ე იყო, სადაც მან 59-ე ჩემპიონთალიგური გოლი გაიტნა. ერთ თამაშში, ჩემპიონთა ლიგაზე, ნორვეგიელს, საშუალოდ, 1 გოლი გააქვს. პრემიერ ლიგის მომდევნო ტურში, მანჩესტერულ დერბის ვიხილავთ, სადაც "ოლდ ტრაფორდზე" სიტი, იუნაიტედს უმასპინძლებს. ჰოლანდი, რა თქმა უნდა, ამ შეხვედრაშიც შეეცდება საკუთარი ბრწყინვალე სტატისტიკის გაუმჯობესებას.