ჟოაო ფელიქსი: "ბერნარდუ სილვა ხშირად მეკითხება ბარსელონაზე, მას აქ სურს თამაში..."

პორტუგალიის ეროვნული ნაკრებისა და "ბარსელონას" მარცხენა შემტევმა - ჟოაო ფელიქსმა, ესპანურ გამოცემა "Jijantes"-თან, თავის თანამემამულეზე - ბერნარდუ სილვაზე ისაუბრა.

ფელიქსმა აღნიშნა, რომ ბერნარდუ სილვას ძალიან სურს "ბარსელონაში" თამაში.

შეგახსენებთ, რომ ჟოაო ფელიქსი "ბარსელონაში" იჯარის წესით თამაშობს. მან კატალონიური კლუბის მაისურით 35 მატჩი ჩაატარა, სადაც 9-ჯერ შეძლო მეტოქეების კარის აღება, ხოლო 6-ჯერ საგოლე გადაცემა შეასრულა.

ასევე შეგახსენებთ, რომ 2023 წლის ზაფხულის სატრანსფერო ფანჯარაზე, "ბარსელონა" დაინტერესებული იყო ბერნარდუ სილვას შეძენით, თუმცა საბოლოოდ, პორტუგალიელ ფეხბურთელს ოფიციალური შეთავაზება არ მიუღია.