ვინისიუსმა რეალში რონალდოს რეკორდი გაიმეორა

ვინისიუს ჟუნიორი "რეალში" გატანილი გოლების რაოდენობით რონალდო ნაზარიოს გაუთანაბრდა. მართალია, სამეფო კლუბმა უკანასკნელი შეხვედრა "ვალენსიასთან" წააგო, თუმცა ვინისიუსმა გატანილი გოლით ბრწყინვალე რეკორდის გამეორება შეძლო. აღსანიშნავია, რომ ვინის ამ რეკორდის გუშინვე დამხობა შეეძლო, თუმცა მამარდაშვილმა მას პენალტი აუღო.

მადრიდის რეალის მრავალწლიან ისტორიაში ამ კლუბში ბევრ ბრაზილიელს უთამაშია, აქამდე ყველაზე მეტი გოლის გამტანი ბრაზილიელი რონალდო იყო, თუმცა უკვე ეჭვგარეშეა, რომ ვინისიუსი მის გადასწრებას უახლოეს პერიოდში მოახერხებს. რონალდო ნაზარიომ რეალში 5 წელი გაატარა და 104 გოლის გატანა მოახერხა, ამ ნიშნულზეა უკვე ვინისიუსიც.

არც ისაა გამორიცხული, რომ შედეგის გაუმჯობესება როდრიგომაც შეძლოს, მის ანგარიშზეა 68 გოლია.