უზბეკეთი გახდა მე-19 ქვეყანა, რომელსაც პრემიერლიგაში მხოლოდ 1 წარმომადგენელი ჰყოლია

,,მანჩესტერ სიტიმ'' ,,ლანსიდან'' 20 წლის ცენტრალური მცველი, აბდუკოდირ ხუსანოვი იყიდა. ,,ქალაქელებმა'' ფეხბურთელთან 4.5-წლიანი კონტრაქტი გააფორმეს.

ხუსანოვი პირველი უზბეკია, რომელიც პრემიერლიგის გუნდის ღირსებას დაიცავს. უზბეკეთი კი იმ 18 ქვეყანას შეუერთდა, რომლებსაც პრემიერლიგაში მხოლოდ 1 წარმომადგენელი ჰყოლიათ:

• ინდონეზია - ჟორდი ამატი

• სომხეთი - ჰენრიკ მხითარიანი

• მალტა - დაილან კერი

• კენია - ვიქტორ ვანიამა

• ბანგლადეში - ხამზა ჩაუდრი

• ერაყი - ალი-ალ ჰამადი

• ფილიპინები - ნილ ეტერიჯი

• პაკისტანი - ზეშ რეჰმანი

• ომანი - ალი ალ-ჰაბსი

• ეკვატორული გვინეა - პედრო ობიანგი

• კუბა - ონელ ერნანდესი

• გვატემალა - ნათანიელ მენდეზ-ლაინი

• ფარერის კუნძულები - გუნარ ნილსენი

• დომინიკელთა რესპუბლიკა - ხუნიორ ფირპო

• გიბრალტარი - დენი ჰიგინბოტამი

• სურინამი - რაიან დონკი

• ტანზანია - მბვანა სამატა

• ცენტრალური აფრიკის რესპუბლიკა - ფრედერიკ ნიმანი

ინგლისური მედიის ცნობით, ,,მანჩესტერ სიტიმ'' ფრანგულ გუნდს ხუსანოვის სანაცვლოდ 40 მილიონ ევრომდე გადაუხადა.

მიმდინარე სეზონში უზბეკმა მცველმა ,,ლანსის'' მაისურით 16 მატჩი ჩაატარა და 1 საგოლე გადაცემა მიითვალა. ოქტომბერში ხუსანოვი ლიგა 1-ის თვის საუკეთესო ახალგაზრდა ფეხბურთელად დასახელდა.