უსმან დემბელე: "მიუნხენში მოსაგებად და ფინალში გასასვლელად მივდივართ"
2 საათის წინ
ფეხბურთი
1 წთ
უეფას ჩემპიონთა ლიგის ნახევარფინალის საწყის მატჩში მიუნხენის ბაიერნთან (5:4) გამარჯვების შემდეგ, ოქროს ბურთის მოქმედმა გამარჯვებულმა, უსმან დემბელემ გამორჩეული მატჩის და საპასუხო შეხვედრის შესახებ ისაუბრა.
"ეს ორივე მხარისთვის შთამბეჭდავი თამაში იყო. ორი გუნდი, რომლებიც შემტევად ფიქრობენ, რომლებსაც გამარჯვება სურთ და არ აქვს მნიშვნელობა, სახლში ითამაშებენ თუ სტუმრად. ეს მართლაც კარგი თამაში გამოვიდა და რა თქმა უნდა, გახარებულები ვართ, რომ გავიმარჯვეთ.
მატჩში რამდენიმე მნიშვნელოვანი მომენტი ვნახეთ. ჩვენ ძალიან გვინდოდა ამ შეხვედრის მოგება, რადგან ლიგის ფაზაზე წავაგეთ, შემდეგ კი საქმე ფოკუსირებასა და ცივი გონებით თამაშს ეხებოდა. ასეთ თამაშებში პატარა დეტალები გადამწყვეტია.
სამბურთიანი უპირატესობის შენარჩუნების შემთხვევაში, ალბათ შეგვეძლო სიტუაციის უკეთ კონტროლი, მაგრამ ვიცით, რომ ბაიერნი შესანიშნავი გუნდია და ნებისმიერ მომენტში შეუძლია დაბრუნება.
ჩვენს ფილოსოფიას შემდეგ კვირაში არ შევცვლით. მიუნხენშიც მოსაგებად და ფინალში გასასვლელად მივდივართ, ფოკუსირება უნდა შევინარჩუნოთ. ჩემპიონთა ლიგის ნახევარფინალშიც გიწევს რთულად გარჯა. სწორედ ამისთვის ვემზადებით საპასუხო შეხვედრაში", - ამბობს უსმან დემბელე.
პსჟ-სა და მიუნხენის ბაიერნს შორის საპასუხო შეხვედრა მიუნხენში, ალიანს არენაზე 6 მაისს შედგება. მატჩი თბილისის დროით 23:00 საათზე დაიწყება.
სხვა სტატიები
.32.webp)
.32.webp)
