უოტფორდის მთავარ მწვრთნელად ურუგვაელი სპეციალისტი დაინიშნა

გიორგი ჩაკვეტაძის ,,უოტფორდმა'' გუნდის ახალ მთავარ მწვრთნელად პაულო პეცოლანო დანიშნა.

42 წლის სპეციალისტს აქამდე ურუგვაულ, მექსიკურ და ბრაზილიურ კლუბებში უმუშავია, ბოლოს კი ესპანურ ,,ვალიადოლიდს'' წვრთნიდა.

,,უოტფორდმა'' ინგლისის ჩემპიონშიფის სეზონი 57 ქულით მე-14 პოზიციაზე დაასრულა.

გუნდს 2024 წლის მარტიდან მიმდინარე წლის 6 მაისამდე ტომ კლევერლი წვრთნიდა.

გასულ სეზონში გიორგი ჩაკვეტაძემ უოტფორდელთა მაისურით ჩატარებულ 41 შეხვედრაში 2 გოლი გაიტანა და 7 საგოლე გადაცემა მიითვალა.