უეფამ აღიარა: კუკურელიას მომენტში მსაჯი შეცდა

ორ თვეზე მეტის გასვლის შემდეგ, უეფას მსაჯთა კომიტეტმა საერთაშორისო მსაჯებს აცნობა, რომ გერმანია-ესპანეთის მატჩში, მსაჯმა შეცდომა დაუშვა და მას პენალტი უნდა დაენიშნა. ეს პასაჟი შეტანილია ორგანიზაციის უახლეს კორესპონდენციაში, რომელიც პერიოდულად აანალიზებს ევროპულ მატჩებს - იქნება ეს ეროვნული ნაკრებებისა თუ საკლუბო დონეზე - კრიტერიუმების სტანდარტიზაციისთვის და მსაჯების მიერ, მსგავს თამაშებში, გადაწყვეტილებების მიღების გასამარტივებლად.

დოკუმენტში, რომელზეც Relevo-ს ჰქონდა წვდომა, ინსტიტუციური ორგანო მტკიცეა თავის განმარტებებში: "იყო შეცდომა როგორც მინდვრის არბიტრაჟში, ასევე VAR-ში".

ევროპის ჩემპიონატზე, ესპანეთი გერმანიას მეოთხედფინალში დაუპირისპირდა. ძირითადი დრო ოლმოსა და ვირცის გოლებით ფრედ 1:1 დასრულდა. დამატებით მეორე ტაიმში მუსიალას დარტყმა კუკურელიას ხელზე მოხვდა, თუმცა ენტონი ტეილორმა მომენტი არ შეიმჩნია, ესპანეთმა 119-ე წუთზე მიკელ მერინოს თავური დარტყმით მოიგო და ნახევარფინალში გავიდა.