უეფა ჩემპიონთა ლიგის წესებში ცვლილებას მალე დაადასტურებს

უეფა ჩემპიონთა ლიგის ახალი ფორმატის დახვეწაზე მუშაობას განაგრძობს. რამდენიმე კვირის წინ გავრცელებული ინფორმაცია წესებში ცვლილების შეტანის შესახებ მალე ოფიციალურად დადასტურდება.

არაერთი წყაროს ცნობით, მომავალ სეზონში ლიგის ფაზის საუკეთესო გუნდებს პლეი-ოფში საშინაო მოედნის უპირატესობა ექნებათ.

გასულ სეზონში ლიგის ფაზის Top 8 გუნდს მერვედფინალურ ეტაპზე საპასუხო მატჩის საკუთარ სტადიონზე თამაში გარანტირებული ჰქონდა, თუმცა აღნიშნული უპირატესობა მეოთხედფინალსა და ნახევარფინალში აღარ მოქმედებდა და ყველაფერს წილისყრა წყვეტდა.

1 თვის წინ ESPN-მა გაავრცელა ინფორმაცია, რომლის თანახმადაც, პსჟ-სა და ინტერის ფინალური მატჩის წინ გამართულ სხდომაზე შეთანხმდნენ, რომ მომავალი წლიდან ახალი წესი ამოქმედდება და ლიგის ფაზის საუკეთესო გუნდები მთელი პლეი-ოფის საპასუხო შეხვედრებს შინ გამართავენ.

მაგალითისთვის, ეს წესი წინა სეზონშივე რომ ამოქმედებულიყო, არსენალი (ლიგის ფაზის მესამეადგილოსანი) რეალთან და პსჟ-სთან განმეორებით დაპირისპირებებს ლონდონში გამართავდა და არა პარიზსა და მადრიდში. ასევე, ბარსელონა (ლიგის ფაზის მეორეადგილოსანი) ნახევარფინალის საპასუხო შეხვედრას ინტერთან საკუთარ არენაზე ჩაატარებდა.