"წარმოუდგენელია, გაუვალი კედელია" - რას წერენ ლივერპულის ფანები მამარდაშვილზე

ინგლისის პრემიერ ლიგის მე-10 ტურში, ლივერპული ასტონ ვილას დაუპირისპირდა და 2 უპასუხო გოლი გაუტანა. გიორგი მამარდაშვილმა ლივერპულის მაისურით ჩატარებულ ოფიციალურ მატჩში, კარი მშრალად პირველად შეინახა და 2 ეპიზოდში მერსისაიდელები გარდაუვალი გოლისგანაც იხსნა.

ქართველმა კიპერმა განსაკუთრებით რთული ბურთი მატი ქეშის დარტყმის შემდეგ მოიგერია, როდესაც ბურთი ვირჯილ ვან დაიკს მოხვდა და მიმართულება შეიცვალა.

• გიორგი მამარდაშვილის შეფასება ასტონ ვილას წინააღმდეგ

გიორგი მამარდაშვილის კარგმა თამაშმა ლივერპულის გულშემატკივრები აღაფრთოვანა - სოციალურ ქსელებში ფანები მამარდაშვილს ერთ-ერთ საუკეთესო შენაძენად ასახელებენ და აღნიშნავენ, რომ გუნდში ალისონის ღირსეული შემცვლელი მივიდა.

• მივესალმოთ გიორგი მამარდაშვილს - გაუვალი კედელი, რომელმაც მსოფლიო დონის სეივი განახორციელა.

• მამარდაშვილი წარმოუდგენლად მაგარი მეკარეა.

• სოლიდური პერფორმანსი მამარდაშვილისგან. ცალსახად სეზონის საუკეთესო მატჩი ჰქონდა.

• მამარდაშვილის ეს სეივი დაუჯერებელია. ის ტოპ მეკარეა - ჯერ კიდევ აქვს, რაღაც ასპექტები გასაუმჯობესებელი, რის შემდეგაც ნამდვილი მონსტრი გახდება.

• ჩემი აზრით მატჩის საუკეთესო მოთამაშე გრავენბერხი იყო, მაგრამ ყველამ კარგად გაართვა თავი დაკისრებულ დავალებას. ცალკე აღნიშვნის ღირსია გიორგი მამარდაშვილის ბრწყინვალე თამაში. ის და ალისონი განსხვავებული სტილის მეკარეები არიან.

• მამარდაშვილის ეს სეივი უყურადღებოდ არ უნდა დავტოვოთ - ძალიან რთულ ეპიზოდში გადაგვარჩინა. ალისონი ნამდვილად იამაყებდა ამ მომენტით.

• გიორგი მამარდაშვილი შექებას იმსახურებს. სოლიდური პერფორმანსი ჰქონდა - ის იყო იქ, სადაც გვწირდებოდა. რამდენიმე განსაკუთრებული სეივი ჰქონდა.

გიორგი მამარდაშვილსა და ლივერპულს მორიგი რთული გამოცდის ჩაბარება 4 ნოემბერს, 23:59 საათზე, მადრიდის რეალის წინააღმდეგ მოუწევთ. ჩემპიონთა ლიგის ჯგუფური ეტაპის პრინციპული დაპირისპირება ენფილდზე გაიმართება.