სობოსლაი: "პრემიერ ლიგას იანვარში ვერ მოიგებ, არ მგონია რომ ჩემპიონებს ვეთამაშებით"

პრემიერ ლიგის 21-ე ტურს ლონდონში სუპერმატჩი დახურავს, სადაც პირველადგილოსანი არსენალი შინ ლივერპულს დაუხვდება.

მანჩესტერ სიტი 3 ტურია პრემიერ ლიგაში თამაშს ვერ იგებს, არსენალს კი იდეალური შანსი აქვს, რომ ლივერპულის დამარცხებით ძალიან კომფორტული 8-ქულიანი უპირატესობა მოიპოვოს. თავის მხრივ, გამარჯვების შემთხვევაში, ცუდ ფორმაში მყოფ ლივერპულსაც შეუძლია, რომ მე-4 პოზიცია გაიმყაროს.

უპრინციპულესი დაპირისპირების წინ, ლივერპულის ერთ-ერთმა ლიდერმა - დომინიკ სობოსლაიმ, პრესკონფერენციაზე საინტერესო კომენტარი გააკეთა.

შეგახსენებთ, რომ პრემიერ ლიგას 20 ტურის შემდეგ არსენალი ლიდერობს, ისიც ცნობილია, რომ 21-ე ტურის შემდეგაც არსენალი იქნება სათავეში, გასარკვევი კი სწორედ ის არის, ლონდონური გრანდი მანჩესტერ სიტის 5 ქულით აჯობებს თუ ექვსით, ან თუნდაც რვით...

აქვე იმასაც შეგახსენებთ, რომ არსენალს მიმდინარე სეზონში მხოლოდ 2 მარცხი აქვს, აქედან ერთ-ერთი და პირველი ლივერპულთან, სადაც სწორედ დომინიკ სობოსლაის ულამაზესი ჯარიმით გაიმარჯვეს 'მერსისაიდელებმა'.

არსენალისა და ლივერპულის დაპირისპირება 8 იანვარს, თბილისის დროით 23:55 საათზე დაიწყება.