ტომას ტუხელი: ჰარი კეინი მანჩესტერის წინააღმდეგ ითამაშებს

მიუნხენის ბაიერნის მთავარმა მწვრთნელმა, ტომას ტუხელმა ჩემპიონთა ლიგის მატჩისწინა პრესკონფერენციაზე დაადასტურა, რომ ბუნდესლიგის საუკეთესო ბომბარდირი და ინგლისის ნაკრების კაპიტანი პირველად ჩავა ინგლისში სათამაშოდ მას შემდეგ, რაც ტოტენჰემიდან ბაიერნს შეუერთდა.

კეინმა გერმანიის ჩემპიონატის რეკორდი დაამყარა, მან ბუნდესლიგის პირველ 13 მატჩში 18 გოლი გაიტანა. ინგლისელს კარგი სტატისტიკა აქვს მანჩესტერ იუნაიტედის წინააღმდეგ, "ოლდ ტრაფორდზე" ბოლო ხუთ შეხვედრაში კეინმა 4 გოლი გაიტანა.

მიუნხენის ბაიერნი ჯგუფიდან უკვე გასულია, მანჩესტერს კი გერმანული გრანდის აუცილებლად დამარცხება სჭირდება, თანაც იმ შემთხვევაში, თუ კოპენჰაგენი და გალათასარაი ერთმანეთში ფრეს ითამაშებენ, მხოლოდ ესაა ვარიანტი, რომ იუნაიტედი ჯგუფიდან მე-2 ადგილით გავიდეს.