ტენ ჰაგი: "ონანას საკუთარი შესაძლებლობების მაქსიმუმი ჯერ კიდევ არ გამოუვლენია"

UEFA-ს ჩემპიონთა ლიგის ჯგუფური ეტაპის შეხვედრაში, "მანჩესტერ იუნაიტედმა" "კოპენჰაგენი" მინიმალური სხვაობით 1:0 დაამარცხა. "ოლდ ტრაფორდზე" გამართული მატჩი შესაძლოა ფრედ დასრულებულიყო, თუმცა, "მანჩესტერ იუნაიტედის" კარში 97-ე წუთზე დანიშნული პენალტი, ანდრე ონანამ მოიგერია და პრემიერ ლიგის გრანდს უმნიშვნელოვანესი 3 ქულის მოპოვებაში დაეხმარა.

მატჩის დასრულების შემდეგ, "მანჩესტერ იუნაიტედის" მთავარმა მწვრთნელმა - ერიკ ტენ ჰაგმა, გუნდის მეკარე შეაქო და აღნიშნა, რომ ონანას საკუთარი შესაძლებლობების მაქსიმუმი ჯერ კიდევ არ გამოუვლენია.