სუპერთასს ახალი მასპინძელი ჰყავს - უეფამ რუსეთს მატჩის ჩატარების უფლება ჩამოართვა

უეფამ 2023 წლის სუპერთასის ჩატარების ადგილი რუსეთიდან (კაზანი) გადაიტანა. ევროპული ფეხბურთის მმართველი ორგანიზაციის გადაწყვეტილებით, მატჩი საბერძნეთში, ,,ოლიმპიაკოსის'' სტადიონზე ჩატარდება.

მანამდე რუსეთს ჩემპიონთა ლიგის ფინალური მატჩის ჩატარების უფლებაც ჩამოერთვა - მსოფლიოს ყველაზე პრესტიჟული საკლუბო ტურნირის ფინალისთვის გასულ წელს სანქტ-პეტერბურგს უნდა ემასპინძლა.

ფიფამ და უეფამ უკრაინაში შეჭრის გამო, რუსულ გუნდებს საერთაშორისო ტურნირებზე თამაში რამდენიმე თვის წინ აუკრძალა. Sky News-ის ცნობით, მანამ, სანამ უკრაინში ომი გაგრძელდება, სასჯელი ძალაში დარჩება.