სტარტიც ასეთი უნდა | ენტონი გორდონმა ლა ლიგის სადებიუტო შეხვედრაში რეკორდი დაამყარა

ენტონი გორდონმა ბარსელონას შემადგენლობაში, ოფიციალურ სადებიუტო შეხვედრაში, შესანიშნავი შთაბეჭდილება დატოვა. ინგლისელი ფეხბურთელი მოედანზე 65-ე წუთზე შევიდა და ჯერ რაფინიას, ხოლო შემდეგ, ფერმინ ლოპესს გაატანინა. ამ შედეგით, ინგლისელი შემტევი გახდა პირველი ფეხბურთელი, რომელმაც 21-ე საუკუნეში, ლა ლიგის სადებიუტო მატჩში, ორი საგოლე გადაცემა შეასრულა. თანაც ეს ძალიან მცირე დროში, 6 წუთში გააკეთა. ბარსელონას ახალწვეულმა, მატჩის შემდეგ, კომენტარიც გააკეთა.

ფეხბურთელზე ჰანსი ფლიკმაც ისაუბრა და აღნიშნა, რომ მასთან პირველივე სატელეფონო საუბრის დროს იგრძნო, რომ ინგლისელი ბარსელონაში თამაშის შესაძლებლობით, ძალიან გახარებული იყო. ბარსელონა მომავალ შეხვედრას, 27 აგვისტოს, ბილბაოს უმასპინძლებს. გორდონი კი იმედოვნებს, რომ საკუთარ გუნდს, შემდეგ მატჩშიც დაეხმარება.