დაბრუნება სერია A-ში?! | იუვენტუსი და სპალეტი დღეს შეხვდებიან
იტალიის სერია A-ს მე-8 ტურის შეხვედრაში ლაციომ იუვენტუსი 1:0 დაამარცხა. ტურინულ გუნდს ცუდი პერიოდი უდგას, მათ ყველა ტურნირის ეგიდით ბოლო 8 მატჩში 5 ფრე და 3 მარცხი აქვთ.
იტალიურ წყაროებში ბოლო დროს ხშირად იწერებოდა იუვენტუსის მთავარი მწვრთნელის, იგორ ტუდორის გათავისუფლების შესახებ, ასეც მოხდა - 47 წლის ხორვატი კლუბიდან გაათავისუფლეს, მას წარუმატებელი პერიოდი აღარ აპატიეს.
იტალიურ პრესაში აქტიურად იწერება, რომ იუვენტუსის ახალ მთავარ მწვრთნელად, ძალიან გამოცდილ - ლუჩანო სპალეტის განიხილავენ, რომელმაც პირველადი ინფორმაციით, იუვენტუსის წინადადება განიხილა და მზად არის, რომ კლუბი ჩაიბაროს. ამ საკითხზე კი 'ბებერი ქალბატონების' მესვეურები და ძალიან გამოცდილი 66 წლის იტალიელი დღეს შეხვდებიან.
❗️BREAKING: Luciano Spalletti is open to the move to Juventus and is focused on finding an economic agreement to return to Serie A, reports @DiMarzio. pic.twitter.com/XgzuXskhtq
— Forza Juventus (@ForzaJuveEN) October 27, 2025
ასევე ვრცელდება ინფორმაცია, რომ ლუჩანო სპალეტიმ და იუვენტუსმა უკვე შეათანხმეს კონტრაქტის პირობები, 66 წლის მწვრთნელი კლუბთან 1-წლიან კონტრაქტს გააფორმებს, რომლის გათვალისწინებითაც, სასურველი შედეგის მიღწევის შემთხვევაში, +2 წლიან კონტრაქტს შესთავაზებენ.
შეგახსენებთ, რომ ლუჩანო სპალეტი წლების განმავლობაში: ემპოლის, სამპდორიას, ვენეციას, უდინეზეს, რომას, ზენიტის, ინტერისა და ნაპოლის მწვრთნელი იყო, ბოლოს კი 2023-2025 წლებში იტალიის ეროვნულ ნაკრებში იმუშავა.
მან 2022/2023 წლების სეზონში ნაპოლისთან ერთად სკუდეტო მოიგო, შემდეგ კი იტალიის ნაკრებში მიაშურა, თუმცა ივნისიდან იგი გუნდის გარეშეა.
რაც შეეხება 'ბებერ ქალბატონს', იუვენტუსი სერია A-ს ცხრილში 12 ქულით მე-8 ადგილზეა (3 მოგება, 3 ფრე, 2 მარცხი), ჩემპიონთა ლიგაზე კი ტურინული გუნდი მოგების გარეშეა და 2 ქულით (2 ფრე, 1 მარცხი) 25-ე პოზიციას იკავებს.
სხვა სტატიები
