სლოტი: ,,არ გქონდეთ მოლოდინი, რომ ისაკი ყველა მატჩში 90 წუთს ითამაშებს''
2 თვის წინ
ფეხბურთი
1 წთ
ლივერპულის მთავარმა მწვრთნელმა, არნე სლოტმა, ბარნლისთან მატჩის წინ გამართულ პრესკონფერენციაზე, გუნდის ახალწვეულზე, ალექსანდერ ისაკზე ისაუბრა:
,,ყველაზე მეტად ის ფაქტი მახარებს, რომ ისაკთან კონტრაქტის გაფორმება შევძელით. ტრანსფერში ყველა მხარემ დიდი ძალისხმევა ჩადო.
შვედეთის ნაკრების მთავარი მწვრთნელი უდიდეს კომპლიმენტს იმსახურებს - მის განკარგულებაში, შესაძლოა, მსოფლიოს საუკეთესო თავდამსხმელია, ნაკრებს კი 2 მნიშვნელოვანი მატჩი ჰქონდა, თუმცა იონ-დალ ტომასონმა იცოდა, რომ თუ მას ორივე შეხვედრაში 90 წუთს ათამაშებდა, ფეხბურთელი ტრავმას მიიღებდა, ეს კი მწვრთნელისთვის, რომელიც თავის მოთამაშეზე ზრუნავს, ადვილი არასდროს არ არის.
ჩვენც ასე მოვიქცევით, ამიტომ, მოლოდინი ნუ გექნებათ, რომ ისაკი ყველა მატჩში მოედანზე 90 წუთს გაატარებს. უახლოს პერიოდში ეს გამორიცხულია. მან მოსამზადებელი პერიოდი მთლიანად გამოტოვა, ამიტომ ძალების აღდგენა თანდათანობით მოუწევს. მარტივი არ იქნება, მაგრამ გულშემატკივრებს უნდა ახსოვდეთ, რომ ჩვენ ის 6 წლით გავიფორმეთ და არა 2 კვირით.'' - არნე სლოტი
სლოვენიისა და შვედეთის მატჩში (2:2) ისაკს საერთოდ არ უთამაშია, კოსოვოსთან წაგებულ შეხვედრაში კი (0:2) თავდამსხმელი მოედანზე 72-ე წუთზე შევიდა.
“Don’t expect him to be every single game 90 minutes on the pitch. That’s definitely not going to happen in the upcoming weeks. He missed pre season, he missed 3-4 months of team sessions and now we have to build him up gradually.”
— Anfield Agenda (@AnfieldAgenda) September 12, 2025
💬 Arne Slot on Isak’s fitness. pic.twitter.com/wBCUWrzruM
სხვა სტატიები
