სკანდალი შახტარის U19 გუნდში - ფეხბურთელი გუნდს გაეპარა და რუსეთში წავიდა
ახალგაზრდულ ჩემპიონთა ლიგაზე, "შახტარი" "ანტვერპენს" ესტუმრა და მატჩი უკრაინელთა გამარჯვებით 1:2 დასრულდა.
მატჩის შემდეგ კი დიდი მოვლენები განვითარდა - კერძოდ კი, როდესაც უკრაინელები სამშობლოში ბრუნდებოდნენ, კლუბმა 19 წლის მცველი - ოლექსანდრ როსპუტკო აეროპორში დაკარგა, თუმცა მოგვიანებით გავრცელებული ინფორმაციით, იგი რუსეთში წავიდა.
19 წლის ფეხბურთელის გადაწყვეტილება ძალიან უცნაური აღმოჩნდა ყველასთვის, მითუმეტეს მაშინ, როდესაც უკრაინას ბოროტი სახელმწიფო უკვე წელიწადნახევარზე მეტია ებრძვის.
ამ ფაქტის შესახებ კლუბში ერთი მთავარი ვერსია იკვეთება - ალექსანდრე როსპუტკო დროებით ოკუპირებული გორლოვკადანაა. მას ჰქონდა პრორუსული შეხედულებები და ამის ფონზე ხშირად ძალიან მწვავე კონფლიქტი მოსდიოდა თანაგუნდელებთან და კლუბის სტაფთან. არსებობს ვარაუდი, რომ როსპუტკო რუსეთის ფედერაციაში სტამბოლის გავლით წავიდა, ამის დაგეგმვაში კი მას რუსები დაეხმარნენ.
🚨Oleksandr Rosputko played with Shakhtar in last week's UEFA Youth League match against Antwerp in Belgium.
— Hrach Khachatryan (@hrachoff) October 13, 2023
However, a 19-year-old player didn't turn up at the airport for a flight back to his homeland.
According to Ukraine media, the player left for Russia and asked for…
ალექსანდრე როსპუტკომ უკრაინის 19-წლამდელთა ნაკრებში 4 მატჩი ჩაატარა. "შახტარს" ფეხბურთელის გაქცევის შესახებ კომენტარი ჯერჯერობით არ გაუკეთებია.
სხვა სტატიები
