შტურმის პირველი მოგება ლიგაზე - ოთარ კიტეიშვილის შეფასება ჟირონასთან მატჩში

ოთარ კიტეიშვილის ,,შტურმმა'' ჩემპიონთა ლიგაზე ზედიზედ 4 წაგების შემდეგ პირველ შეხვედრაში იმარჯვა. დღეს ავსტრიულმა კლუბმა ,,ჟირონას'' უმასპინძლა და მინიმალური სხვაობით, ანგარიშით 1:0 დაამარცხა.

ქართველმა ფეხბურთელმა ,,შტურმის'' ძირითად შემადგენლობაში ითამაშა და მოედანზე 90 წუთი გაატარა.

კიტემ Sofascore-სგან 6.8-ქულიანი შეფასება მიიღო. 28 წლის ნახევარმცველმა, რომელიც ბურთს სულ 56-ჯერ შეეხო, კარისკენ ერთხელ დაარტყა, 17-დან 4 დუელი მოიგო და 38-დან 33 (87%) ზუსტი გადაცემა გააკეთა.

6.5 ქულით შეაფასა კიტეიშვილის თამაში Whoscored-მა, 7-ით კი Flashscore-მა.

,,შტურმი'', რომელიც 4 ტურის შემდეგ 3 ქულით 29-ე ადგილს იკავებს, ჩემპიონთა ლიგის მომავალ შეხვედრას 11 დეკემბერს, ,,ლილის'' წინააღმდეგ გამართავს.