შეთანხმება მიღწეულია - ნაპოლის ახალი სპორტული დირექტორი ეყოლება

მიმდინარე სეზონის დასრულების შემდეგ, ჯოვანი მანა ტურინის "იუვენტუსს" დატოვებს და "ნაპოლის" სპორტული დირექტორის პოსტს დაიკავებს. აღნიშნულ ინფორმაციას, ცნობილი იტალიელი სპორტული ჟურნალისტი ფაბრიციო რომანო ავრცელებს.

ფაბრიციო რომანოს მტკიცებით, "პარტენოპეის" წარმომადგენლებსა და 35 წლის ჯოვანი მანას შორის პრინციპული შეთანხმება მიღწეულია და კონტრაქტს უახლოეს დღეებში მოეწერება ხელი. რომანო ასევე აღნიშნავს, რომ ახალგაზრდა სპეციალისტი სპორტული დირექტორის თანამდებობაზე 5 წლის განმავლობაში იმუშავებს.