"შედეგი სამართლიანია, მაგრამ ანგარიში შეუსაბამო" - ლუის ენრიკე

გასულ ღამეს ჩემპიონთა ლიგაზე საკმაოდ მოულოდნელი შედეგი დაფიქსირდა. "ნიუკასლმა" "სენტ ჯეიმს პარკზე" "პსჟ-ს" უმასპინძლა და მეტოქე 4:1 დაამარცხა. 

ბუნებრივია, რომ აღნიშნული მარცხის შემდეგ, პარიზელთა თავკაცს ლუის ენრიკეს კრიტიკის ქარ-ცეცხლში მოუწია გავლა. ფრანგული მედია აქტიურად წერს იმის შესახებ, რომ ესპანელმა სპეციალისტმა არასწორი ტაქტიკა შეარჩია. ენრიკემ ნახევარდაცვაში არჩევანი მანუელ უგარტეზე და 17 წლის ზაირ-ემერიზე შეაჩერა. სხვადასხვა სპორტული გამოცემები თვლიან, რომ მარცხის მთავარი მიზეზი სწორედ ეს იყო.

ამ თემასთან დაკავშირებით, ისაუბრა ლუის ენრიკემ და განაცხადა, რომ ყველაფერზე პასუხისმგებელი ის არის. 

შეგახსენებთ, რომ "პსჟ" F ჯგუფში "ნიუკასლთან", "დორტმუნდთან" და "მილანთან" ერთად იმყოფება. პარიზულ კლუბს შემდეგი მატჩი ჩემპიონთა ლიგაზე "მილანის" წინააღმდეგ, 25 ოქტომბერს ელის. აღნიშნული დაპირისპირება თბილისის დროით 23:00 საათზე გაიმართება.