შახტარის მწვრთნელი: "გოჩოლეიშვილი მოედანზე განსაკუთრებული იყო..."

ჩემპიონთა ლიგის მეოთხე ტურის გახსნით მატჩში, "შახტარმა" "ბარსელონას" გერმანიაში უმასპინძლა და სენსაცია დააფიქსირა.

უკრაინულმა კლუბმა მინიმალური სხვაობით გაიმარჯვა. აღსანიშნავია ის ფაქტი, რომ მატჩის გამარჯვების მომტანი გოლის საგოლე გადაცემა, საქართველოს ნაკრების მარჯვენმა მცველმა - გიორგი გოჩოლეიშვილმა გააკეთა.

ძალიან მნიშვნელოვანი გამარჯვების მოპოვების შემდეგ, უკრაინული გრანდის ხორვატმა მთავარმა მწვრთნელმა - მარინო პუსიჩმა, მატჩისშემდეგომი პრესკონფერენცია გამართა და ჟურნალისტებთან ისაუბრა.

ქართველი მცველი მთელი შეხვედრის განმავლობაში კარგად გამოიყურებოდა. გუნდს როგორც დაცვაში, ისე შეტევაშიც ეხმარებოდა. Whoscored-ის მიხედვით გოჩოლეიშვილმა 6.15, ხოლო Sofascore- ს მიხედვით 7.0 შეფასება დაიმსახურა.

"ბარსელონასთან" გამარჯვებით "შახტარმა" 6 ქულა მოაგროვა და ჯგუფში მე-3 ადგილს იკავებს. დონეცკელებს ჩემპიონთა ლიგაზე მომავალი მატჩი "ანტვერპენის" წინააღმდეგ ელით, რომელიც 28 ნოემბერს არის ჩანიშნული.