სერბები ევროპის ჩემპიონატის დატოვებით იმუქრებიან

სერბეთი UEFA-სგან ითხოვს, დაისაჯოს ხორვატია და ალბანეთი, მას შემდეგ რაც მათი გულშემატკივრები სიძულვილის გამომხატველ შეძახილებში დაადანაშაულეს - ოთხშაბათს, ევრო 2024-ის მატჩის დროს, ჰამბურგში.

სერბეთის ფეხბურთის ფედერაციის გენერალურმა მდივანმა, იოვან სურბატოვიჩმა განაცხადა, რომ ოფიციალური საჩივარი უკვე წარდგენილია, რომელშიც ნათქვამია, რომ ხორვატიისა და ალბანეთის გულშემატკივრები სკანდირებდნენ "მოკალი, მოკალი, მოკალი სერბი" მათ შორის 2:2 დასრულებული შეხვედრის მიმდინარეობისას. სერბეთი, რომელსაც თავად UEFA ინგლისთან მომხდარ გარკვეულ ინციდენტებში ადანაშაულებს, არ გგამორიცხავს, რომ ევროპის ჩემპიონატი დატოვოს.

თავად UEFA-ს ბრალდება სერბეთის მიმართ მას შემდეგ გაჩნდა, რაც კოსოვოს ფეხბურთის ფედერაციამ განაცხადა, რომ „სერბი გულშემატკივრები პოლიტიკურ, შოვინისტურ და რასისტულ გზავნილებს აკეთებდნენ კოსოვოს წინააღმდეგ“ ინგლისთან შეხვედრის მიმდინარეობისას.