საუთგეიტი: "მირჩევნია გულშემატკივრებმა მე მაკრიტიკონ, ვიდრე ფეხბურთელები"

ინგლისის ნაკრებმა ევროპის ჩემპიონატზე ყველა ჯგუფური შეხვედრა გამართა. სამი მატჩის შემდეგ, გარეთ საუთგეიტის გუნდმა 5 ქულა მოაგროვა და პირველი პოზიცია დაიკავა. მიუხედავად პლეი-ოფის საგზურის მოპოვებისა, ინგლისის ფანები საკუთარი ნაკრებით თამაშით უკმაყოფილონი არიან.

"სამმა ლომმა" ორი გოლის გატანა შეძლო და მხოლოდ ერთი მატჩი მოიგო. კრიტიკის მთავარი ადრესატი გარეთ საუთგეიტია, რომელიც ნაკრებს სანახაობრივად ვერ ათამაშებს. ინგლისის ნაკრების მთავარმა მწვრთნელმა აღნიშნულ კრიტიკაზე ისაუბრა და განაცხადა, რომ ეს მხოლოდ გუნდს აყენებს ზიანს.

ინგლისის ნაკრების მეტოქე 1/8-ფინალში ჯერჯერობით ცნობილი არ არის. გარეთ საუთგეიტის გუნდი პლეი-ოფში პირველ თამაშს 30 ივნისს გამართავს.