დიდიე დეშამი: "ჩვენ ძალიან რთულ ჯგუფში მოვხვდით"

საფრანგეთის ნაკრებმა, რომელიც ევროპის ჩემპიონატზე ერთ-ერთ ფავორიტად მიიჩნევა, ჯგუფური ეტაპი პირველი ადგილით ვერ დაასრულა. ჩატარებული სამი შეხვედრიდან "ლე ბლემ" მხოლოდ ერთი მოიგო. აქვე ისიც უნდა აღინიშნოს, რომ დეშამის ბიჭებმა ავსტრიის დამარცხება ავტოგოლის ხარჯზე შეძლეს.

ბოლო შეხვედრაში საფრანგეთმა პოლონეთთან 1:1 ითამაშა და D ჯგუფში მეორეზე გავიდა. აღსანიშნავია, ისიც რომ ჯგუფურ ეტაპზე მხოლოდ ორი გოლის გატანა შეძლეს.

მძიმე ჯგუფურ ეტაპს გამოეხმაურა დიდიე დეშამიც. ფრანგი სპეციალისტის თქმით, მათ საკმაოდ რთულ ჯგუფში მოუწიათ თამაში და შედეგით კმაყოფილია.

ჯერჯერობით, პლეი-ოფში საფრანგეთის ნაკრების მეტოქე ცნობილი არ არის. დეშამის გუნდი თავის შეხვედრას პირველ ივლისს 23:00 საათზე ჩაატარებს.