სატრანსფერო ფანჯრის დახურვამდე, ალ იტიჰადი სალაჰის ყიდვას ისევ ეცდება

,,ალ იტიჰადი'' ,,ლივერპულს'' მოჰამედ სალაჰის ტრანსფერზე კიდევ ერთხელ მიმართავს. ინფორმაციას Sky Sports-ი ავრცელებს.

არაბული გუნდი, რომელიც მზადაა, ეგვიპტელის სანაცვლოდ 235 მილიონი ევრო გადაიხადოს, მის გადაბირებას 7 სექტემბრამდე (ხუთშაბათს პრო ლიგაში სატრანსფერო ფანჯარა იხურება) ეცდება.

,,ალ იტიჰადში'' გადასვლის შემთხვევაში, სალაჰი წელიწადში ხელფასის სახით 80 მილიონ ევროს მიიღებს.

მიმდინარე სეზონში 31 წლის ფეხბურთელის ანგარიშზე ,,ლივერპულის'' მაისურით ჩატარებულ 4 შეხვედრაში 2 გოლი და 2 საგოლე გადაცემაა.