"საქართველოს გაუმარჯოს, საქართველო ევროპაზე მიდის" - რუსი კომენტატორი

გულშემატკივრებით გადაჭედილ "დინამო არენაზე", საქართველოს ეროვნულმა საფეხბურთო ნაკრებმა, პენალტების სერიაში საბერძნეთი დაამარცხა, ევროპის ჩემპიონატის საგზური მოიპოვა და ისტორია დაწერა.

ქართული ფეხბურთისთვის ისტორიულ მოვლენას, ცნობილი რუსი სპორტული ჟურნალისტი და კომენტატორი, ალეკსეი ანდრონოვი გამოეხმაურა, რომელიც საქართველოს მხარდამჭერი განცხადებებით, წარსულშიც ხშირად გამოირჩეოდა.

შეგახსენებთ, ევრო 2024 გერმანიაში 14 ივნისიდან 14 ივლისის ჩათვლით ჩატარდება. საქართველო F-ჯგუფში თურქეთის, ჩეხეთისა და პორტუგალიის წინააღმდეგ ითამაშებს.