უეფამ საქართველოსა და ჩრდილოეთ მაკედონიის მატჩზე მსაჯთა ბრიგადა დანიშნა.
9 ივნისს, სკოპიეში გაიმართება მატჩი საქართველოსა და ჩრდილოეთ მაკედონიას შორის, რომელსაც 41 წლის საერთაშორისო არბიტრი როი რაინშრაიბერი განსჯის. აღნიშნული მსაჯი საკმაოდ მკაცრია, რაზეც მისი სტატისტიკა მოწმობს. ბოლო 10 შეხვედრიდან, რაინშრაიბერმა, მოედნიდან 5 შემთხვევაში ფეხბურთელი გააძევა. ასევე აღსანიშნავია, რომ ისრაელის წარმომადგენელს ბოლო 9 შეხვედრიდან 8-ში პენალტი არ დაუნიშნავს.
უნდა ითქვას, რომ, გასულ სეზონში, როი რაინშრაიბერმა ევროპა ლიგის ჯგუფის ორი შეხვედრა იმსაჯა- "ფერენცვაროში" - "ბეტისი" და "მიდტიულანდი" - "ცრვენა ზვეზდა".
