სანესთან დაპირისპირების გამო ბაიერნმა სადიო მანე დასაჯა

როგორც უკვე იცით, "სიტისთან" წაგებული შეხვედრის შემდეგ, გასახდელში ერთმანეთს სადიო მანე და ლეროი სანე დაუპირისპირდნენ. გერმანულ მედიაში გავრცელებული ინფორმაციის თანახმად, მანემ მის თანაგუნდელს სახეშიც კი გაარტყა.

აღნიშნულთან დაკავშირებით "ბაიერნს" ოფიციალური განცხადება არ გაუვრცელებია, თუმცა, დააანონსეს, რომ მანე აუცილებლად დაისჯებოდა.

ცოტა ხნის წინ გავრცელდა ინფორმაცია, რომ მიუნხენურმა კლუბმა სენეგალელი შემტევი "ჰოფენჰაიმთან" შეხვედრაში განაცხადში არ შეიყვანა. გარდა ამისა, მანე კლუბისგან სხვა სახის ჯარიმასაც მიიღებს. სავარაუდოა, რომ აღნიშნული სასჯელი დიდი რაოდენობით თანხა იქნება.

შეგახსენებთ, რომ "მანჩესტერ სიტისა" და "ბაიერნის" განმეორებითი შეხვედრა 19 აპრილს 23:00 საათზე გაიმართება.