"საბას ვეტყვი, რომ ნაკრების ვარჯიშზე კვარას ფეხებში ურტყას" - ემპოლის მწვრთნელმა იხუმრა

"ემპოლი" სერია A-ს უკანასკნელ ტურში ლაციოსთან 2:1 დამარცხდა და ეს რობერტო დ'ავერსას გუნდისთვის პირველი მარცხი იყო სეზონში. მწვრთნელი გუნდის თამაშით მაინც კმაყოფილი იყო და პრესკონფერენციაზე მომავალი დაპირისპირების შესახებაც იხუმრა. სანაკრებო შესვენების შემდეგ ემპოლი "ნაპოლის" მიიღებს.

ემპოლი, რომლის ძირითად შემადგენლობაშიც საბა გოგლიჩიძე სრულფასოვნად დამკვიდრდა, ცხრილის მე-10 ადგილზეა, გუნდს სერია A-ში ჩატარებულ 7 შეხვედრაში 3 მოგება, 3 ფრე და 1 მარცხი აქვს.