საბა საზონოვის ტრანსფერი ხეტაფეში ჩაიშალა

საბა საზონოვის ტრანსფერი ხეტაფეში ჩაიშალა. აღნიშნულ ინფორმაციას, Geo Team ავრცელებს.

გავრცელებული ინფორმაციით, მიუხედავად შეთანხმებისა, ხეტაფემ ლა ლიგის ფინანსური წესდება ვერ დაარეგულირა. აღნიშნულიდან გამომდინარე ესპანური ფეხბურთის მმართველმა ორგანომ კლუბს საზონოვის დარეგისტრირების უფლება არ მისცა.

საბა საზონოვს კონტრაქტის პირადი დეტალები უკვე შეთანხმებული ჰქონდა და დღეს დილით, ტურინში სამედიცინო შემოწმებაც წარმატებით გაიარა.