რუბინის ვეტერანი: "ხვიჩას ერთ კომპონენტში აქვს მოსამატებელი, ასეთ მოთამაშესთან განშორება სამწუხარო იქნება"

ყაზანის "რუბინის" ვეტერანმა ფეხბურთელმა და მწვრთნელმა, რენატ კამალეტდინოვმა, რომელსაც ამ გუნდის მაისურით 200-ზე მეტი შეხვედრა აქვს ჩატარებული, რუსეთის პრემიერ ლიგის მე-20 ტურის შეხვედრაში, მოსკოვის "სპარტაკთან" (2:0) გამარჯვება შეაფასა. 67 წლის რუსმა სპეციალისტმა წლის პირველი ოფიციალური მატჩის შემდეგ, საქართველოს ნაკრების ამომავალი ვარსკვლავის ხვიჩა კვარაცხელიას შესახებაც ისაუბრა, რომელიც დედაქალაქურ კლუბთან მოგებულ შეხვედრაში ტრადიციულად საუკეთესო იყო და ჯორჯ დესპოტოვიჩზე საგოლე გადაცემაც გააკეთა.

"რუბინმა გაიტანა - ხვიჩა კვარაცხელია ისევ ამ საქმის სათავეში იყო. ის ტყუილად არ დასახელებულა შეხვედრის საუკეთესო მოთამაშედ. მიუხედავად იმისა, რომ მას გოლი არ გაუტანია, მან ბევრი საქმე გააკეთა და კარგად ითამაშა დაცვაში. მას მხოლოდ ერთ კომპონენტში სჭირდება მომატება: ის თავისთვის ქმნის მომენტებს. მხოლოდ ის ვერ გაიტანს. მომავალში სამწუხარო იქნება ასეთ მოთამაშესთან განშორება", - თქვა კამალეტდინოვმა.

მიმდინარე სეზონში 20 წლის ქართველ შემტევს ოფიციალურ მატჩებში 17 შეხვედრაში 2 გოლი აქვს გატანილი და მის აქტივში 7 საგოლე გადაცემაა.

რუბინის ვეტერანი: "ხვიჩას ერთ კომპონენტში აქვს მოსამატებელი, ასეთ მოთამაშესთან განშორება სამწუხარო იქნება"

სხვა სტატიები