რონალდუს მინიმუმ 2-მატჩიანი დისკვალიფიკაცია ემუქრება

კრიშტიანუ რონალდუ, შესაძლოა, ორმატჩიანი დისკვალიფიკაციით დაისაჯოს.

პორტუგალიელმა გუშინ, ,,ალ ჰილალთან'' სუპერთასის ნახევარფინალურ შეხვედრაში, წითელი ბარათი მიიღო. გაძევების შემდეგ, კრიშტიანუ მსაჯს დაუპირისპირდა, რომელსაც ირონიულად ტაშიც დაუკრა.

სამატჩო ანგარიშში მსაჯმა, მოჰამედ ალ-ხუვაიშმა, დაწერა, რომ რონალდუმ მეტოქისთვის იდაყვის დარტყმით, აგრესიული საქციელი ჩაიდინა. საუდის არაბეთის ფეხბურთის ფედერაციის წესების თანახმად კი, ასეთ შემთხვევაში, ფეხბურთელს მინიმუმ 2-მატჩიანი დისკვალიფიკაცია და ფულადი ჯარიმა ეკისრება.

მიმდინარე სეზონში კრიშტიანუ რონალდუს ანგარიშზე არაბული კლუბის მაისურით ჩატარებულ 37 შეხვედრაში 36 გოლი და 12 საგოლე გადაცემაა.