რონალდუ: "საუდის არაბეთის ლიგა MLS-ზე გაცილებით უკეთესია..."
პორტუგალიის ეროვნული ნაკრებისა და "ალ-ნასრის" 38 წლის ფორვარდმა - კრიშტიანუ რონალდუმ, ამხანაგურ მატჩში "სელტასთან" 5:0 დამარცხების შემდეგ ჟურნალისტებთან ისაუბრა.
"საუდის ლიგა MLS-ზე უკეთესია. ამ ლიგაში მე გავხსენი გზა, ახლა კი უფრო და უფრო მეტი ფეხბურთელი მოდის აქეთ. ერთ წელიწადში აქ უფრო ბევრი ვარსკვლავი ითამაშებს და საუდის ლიგა თურქეთის და ნიდერლანდების ჩემპიონატებს გადაასწრებს...
100% ვარ დარწმუნებული იმაში, რომ ევროპაში აღარ დავბრუნდები. ევროპულმა ფეხბურთმა ხარისხი დაკარგა. ერთადერთი ლიგა, რომელიც ჯერ კიდევ ნორმალურად გამოიყურება, პრემიერ ლიგაა. სერია A მე გამოვაცოცხლე, რადგან ჩემს იქ გადასვლამდე ეს ტურნირი მკვდარი იყო..."
🚨Cristiano Ronaldo: "Saudi league is better than MLS".
— Fabrizio Romano (@FabrizioRomano) July 17, 2023
"I'm 100% sure I won't return to any European club. I opened the way to Saudi league... and now all the players are coming here". 🇸🇦 pic.twitter.com/nvgESZnjeK
შეგახსენებთ, რომ კრიშტიანუ რონალდუ "ალ-ნასრის" ღირსებას 2022/2023 წლების სეზონიდან იცავს. მან არაბული კლუბის შემადგენლობაში 19 მატჩი ჩაატარა, სადაც თავი გოლით 14-ჯერ გამოიჩინა.
სხვა სტატიები
