ჩელსისა და იუნაიტედის ფეხბურთელებისგან შემდგარი თერთმეტეული ჯონ ობი მიკელის ვერსიით

ნიგერიის ეროვნული ნაკრების ყოფილმა ნახევარმცველმა, ჯონ ობი მიკელმა, რიო ფერდინანდის პოდკასტში ,,მანჩესტერ იუნაიტედისა'' და ლონდონის ,,ჩელსის'' ფეხბურთელებისგან (ვისთანაც და ვის წინააღმდეგაც უთამაშია) შემდგარი თერთმეტეული დაასახელა:

• მეკარე - პეტერ ჩეხი

• მცველები - რიო ფერდინანდი, ჯონ ტერი, ბრანისლავ ივანოვიჩი, ეშლი კოული

• ნახევარმცველები - კლოდ მაკელელე, პოლ სქოულზი, ფრენკ ლამპარდი

• თავდამსხმელები - კრიშტიანუ რონალდუ, უეინ რუნი, დიდიე დროგბა

ჯონ ობი მიკელი ,,ჩელსიში'' 2006-2017 წლებში თამაშობდა. ნახევარმცველმა ლონდონურ გუნდთან ერთად პრემიერლიგა, ინგლისის თასი, ლიგის თასი, სუპერთასი, ჩემპიონთა ლიგა და ევროპის ლიგა მოიგო.

ნიგერიელის ანგარიშზე ,,არისტოკრატების'' მაისურით ჩატარებულ 372 შეხვედრაში 6 გოლი და 13 საგოლე გადაცემაა.