როგორია წითელი ბარათების ბალანსი რეალსა და ბარსელონას შორის?

რეალ მადრიდის ტელევიზიამ (Real Madrid Club TV) უკმაყოფილება გამოხატა ლა ლიგაში მსაჯობის მიმართ (რეალთან მიმართებით).

ლა ლიგის მე-4 ტურში, სოსიედადთან (2:1) თამაშის 32-ე წუთზე, მთავარმა არბიტრმა, ხესუს ხილ მანსანომ, რეალის მცველს დინ ჰუისენს წითელი ბარათი უჩვენა - ბოლო იმედის ჯარიმისთვის.

Real Madrid Club TV-მ გამოთვალა, რომ XXI საუკუნეში, ბარსელონას წითელი ბარათების ბალანსი ლა ლიგაში +65-ია, ხოლო რეალ მადრიდს უარყოფითი მაჩვენებელი აქვს (-2). ეს ნიშნავს, რომ კატალონიელთა მოწინააღმდეგეებს წითელი ბარათები უფრო ხშირად მიუღიათ, ვიდრე ერთი შეხედვით ჩანს.

ამავდროულად, ჩემპიონთა ლიგაზე, რეალის გამოთვლებით, ბალანსი თითქმის თანაბარია: +12 ბარსას სასარგებლოდ და +13 მადრიდელებისთვის. შესაბამისად, რეალი მიიჩნევს, რომ ლა ლიგაში მსაჯები მათ ზიანს აყენებენ, ხოლო ჩემპიონთა ლიგაზე დამოკიდებულება უფრო ნეიტრალურია.